من خواطر الكلام/ كلمات يوسف مراد
بايدينا زرعنا الورد
طلع الورد بلدي كمان
لكن من كتر جماله
نبت في عيدانه اشواك
لا نقدر نجرب نلمسه
ولا نقدر من عطره ندوق
كبر الورد و زاد جماله
ومعاه كبر الي زرع
وزاد من الابيض في لحيته وشاب
بص للورد اللي كان في يوم لبهجته
لقى الورد جاب له اكتئاب
دبل الورد و مات و مات اللى زرع
لا الورد هنى ولا اتهنى
ولا اللى زرع حصد و بزرعته
اتهنى
و اللى دفن كان غشيم
حط الورد بالشوك على الدفين
شبك الشوك و بقسوته شك اللى
مات من قهرته