جميع ما يطرح بالمنتدى لا يعبر عن رأي الإدارة وإنما يعبر عن رأي صاحبه فقط

sayd_mido29 · #1 2023/07/13, 05:48 PM

طريقة فتح وغلق الليمت من الريموت لوحدة تحريك البوزيشنر بدون الطلوع على السطح حتى لو ترس موتور طبق الدش مكسور

نبدا وعلى بركه الله

لأول مرة الشرح

هنبدأ (1)- بوحدة سوبر چاك SUPERTACK

لحفظ زرار الليمت limit

1- تيجي علي اول قمر زى النايل سات 7 غرب وتسيف القمر مثلا نضغط Store ثم رقم الحفظ مثلا رقم 1 ثم اوك

.

2- هتضغط على زرار limit يظهر حرف HL وبعدين تدوس اوك

. وهيظهر معاك حرف ┠مقلوبة .
بكدا قفلت اول مدار القمر النايل سات 7 غرب .

3- هتجيب علي اخر قمر مثلا الأيرانى 62 شرق تدوس على زرار limit يظهر حرف LL وبعدين تدوس اوك

.
وهيظهر معاك حرف┥ مقلوبة .
بكده قفلت اخر مدار القمر الأيرانى 62 شرق .

لالغاء زرار الليمت limit

1- مثلا انا وقفت الليمت من ناحية الغرب عند القمر النايل سات 7 غرب ومن ناحية الشرق عند القمر الأيرانى 62 شرق ومحتاج اضيف قمر جديد مثلا القمر الهيسباسات 30 غرب .

2- اضغط على زرار الليمت limit ضغطة طويلة هيعد معاك من رقم (10) الى رقم (1) وانت ضاغط على زرار الليمت limit ويلغي معاك الليمت .

3- هضيف قمرك وارجع اقفل زرار الليمت limit تاني .

هنبدأ (2)- بوحدة جينتك GAINTECH

لحفظ زرار الليمت limit

1- هتيجي علي اول قمر زى النايل سات 7 غرب وتسيف القمر
مثلا نضغط Store ثم رقم الحفظ مثلا رقم 1 ثم تضغط على زرار 1- limit ثم زرار اوك

.
وهيظهر معاك حرف ┠مقلوبة .
بكدا قفلت اول مدار القمر النايل سات 7 غرب .

3- هتجيب علي اخر قمر مثلا الأيرانى 62 شرق وتسيف القمر
مثلا نضغط Store ثم رقم الحفظ مثلا رقم 1 ثم تدوس على زرار -1 limit ثم زرار اوك

.
بكده قفلت اخر مدار القمر الأيرانى 62 شرق .
وهيظهر معاك حرف┥ مقلوبة .

لالغاء زرار الليمت limit

1- مثلا انا وقفت الليمت من ناحية الغرب عند القمر النايل سات 7 غرب ومن ناحية الشرق عند القمر الأيرانى 62 شرق ومحتاج اضيف قمر جديد مثلا القمر الهيسباسات 30 غرب .

2- اضغط على زرار الرست Reset ضغطة عادية هيعد معاك ويلغي معاك الليمت .

3- هضيف قمرك وارجع اقفل زرار الليمت limit تاني .
لمشاهدة الفيديو

https://youtu.be/tZl7DNLe36Y